فرمان الہی
نماز کے اوقات
کراچی (اسٹاف رپورٹر) پاکستان نے ہانگ کانگ کو 68رنز سے ہراکر ایشین گیمز کرکٹ مقابلوں کے سیمی فائنل میں جگہ بنالی۔ عامر جمال کی جارحانہ بیٹنگ اور اسپنرز کی عمدہ کارکردگی میچ کی خصوصیت تھی۔ ہانگزو میں کوارٹرفائنل میں پاکستان کے 160رنز کے جواب میں ناکام ٹیم 18.5اوورز میں92رنز بناکر آؤٹ ہوگئی۔ پاکستان کے پانچ وکٹ 54 رنز پر گرچکے تھے۔ مرزا بیگ صفر، روحیل نذیر 13، حیدرعلی4، کپتان قاسم اکرم12، عمیر یوسف21 اورخوشدل شاہ 13رنز بناسکے۔ آصف علی اور عرفات منہاس نے25،25جبکہ عامرجمال نے صرف16گیندوں پر41رنز بنائے ان کی اننگز میں2 چوکے اور4 چھکے شامل تھے۔ ہانگ کانگ کے آیوش شکلا نے49 رنز دے کر4اورمحمد غضنفر نے تین شکار کیے۔ جواب میں ہانگ کانگ کے بیٹر پاکستانی اسپنرز کا سامنا نہ کرسکے۔خوشدل شاہ نے تین جبکہ قاسم اکرم ، عرفات منہاس اور سفیان مقیم نے دو دو وکٹیں لیں۔
