فرمان الہی
نماز کے اوقات
کراچی (اسٹاف رپورٹر) پاکستان کرکٹ ٹیم ورلڈ کپ میں بھارت کے خلاف میچ میں شرکت کے لئے بدھ کو احمد آباد پہنچ رہی ہے۔ بھارت کی کرکٹ ٹیم کے اہم بیٹر شبمن گل کی ورلڈ کپ میں پاکستان کے خلاف میچ میں بھی شرکت مشکوک ہے۔ بھارتی میڈیا کے مطابق ڈینگی بخار میں مبتلا شبمن گل کو اسپتال داخل کردیا گیا ، ان کے پلیٹلیٹس کم ہونے کے بعد انہیں احتیاطی طور پراسپتال میں داخل کیا گیا تھا۔ وہ پاکستان کے خلاف میچ سے بھی باہر ہو سکتے ہیں، اگر وہ ٹھیک ہو جاتے ہیں تو وہ چنئی سے براہ راست احمدآباد جائیں گے۔ واضح رہے کہ شبمن گل نے ڈینگی بخار کی وجہ سے آسٹریلیا کے خلاف میچ نہیں کھیلا تھا اور وہ افغانستان کے خلاف میچ سے بھی باہر ہوچکے ہیں۔ پاکستان اور بھارت کے درمیان میچ ہفتےکو احمد آباد میں شیڈول ہے۔ قومی کرکٹ ٹیم نےحیدرآباد میں اپنے دونوں میچز جیت کر اس مرحلے کا کامیابی سے اختتام کیا۔پاکستانی کھلاڑیوں کے ساتھ گراؤنڈ اسٹاف نے تصاویر بنائیں۔
