فرمان الہی
نماز کے اوقات
کراچی(اسٹاف رپورٹر) قائداعظم ٹرافی کرکٹ ٹورنامنٹ کے چھٹے راؤنڈ میں ملتان ریجن کے چھ بیٹسمینوں نے لاہور بلوز کیخلاف ایک ہی اننگز میں سنچریاں اسکور کیں۔ یہ فرسٹ کلاس کرکٹ کی تاریخ میں محض دوسرا موقع ہے ۔ اس سے قبل 1945میں ہولکر کے چھ بیٹسمینوں نے میسور کیخلاف یہ کارنامہ انجام دیا تھا۔ قذافی اسٹیڈیم لاہور میں ملتان نے کھیل ختم ہونے پر آٹھ وکٹ پر 718 رنز بنائے تھے۔ پہلے دن زین عباس نے 118 اور حسیب اللہ نے 101 رنز اسکور کیے تھے۔ بدھ کو شرون سراج 114 ، محمد باسط 105، صائم ایاز 117 اور علی عثمان نے 105 رنز ناٹ آؤٹ اسکور کیے۔ ایبٹ آباد اسٹیڈیم میں لاہور وائٹس نے فاٹا کے اسکور 97 رنز کے جواب میں اپنی پہلی اننگز میں آٹھ وکٹ پر 399 رنز بنائے تھے۔ طیب طاہر نے 102 ، عمراکمل نے66 اور عمران ڈوگر نے50 رنز بنائے۔ آصف آفریدی نے 5 وکٹیں حاصل کیں۔ شعیب اختر اسٹیڈیم راولپنڈی میں راولپنڈی ریجن پہلی اننگز میں 243 رنز بناکر آؤٹ ہوگئی۔ میرحمزہ نے 4 وکٹیں لیں۔ کراچی وائٹس نے کھیل ختم ہونے پر دو وکٹ پر 134 رنز بنائے تھے۔ شان مسعود 66 رنز اور عماد عالم 45 رنز پر ناٹ آؤٹ ہیں۔ راولپنڈی کرکٹ اسٹیڈیم میں فیصل آباد ریجن نے پشاور کے 216 کے جواب میں اپنی پہلی اننگز میں چھ وکٹ پر 236 رنز بنائے تھے۔ علی وقاص 105 رنز پر ناٹ آؤٹ ہیں۔
