• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معیشت کے لئے سیاسی استحکام ضروری، خوشحالی چاہتے ہیں تو نواز شریف کا استقبال کریں، شہباز شریف

آج کا اخبار
اہم خبریں
13 اکتوبر ، 2023
لاہور ( نمائندہ جنگ) مسلم لیگ (ن) کے صدر اور سابق وزیراعظم شہبازشریف نے کہا ہے کہ معیشت کیلئے سیاسی استحکام ضروری ہے، خوشحالی چاہتے ہیں تو نواز شریف کا استقبال کریں، تاجر کی دکان چلے گی تو پاکستان چلے گا،سیاست کی پروا نہیں کی ریاست کو بچایا جبکہ پاکستان مسلم لیگ (ن) کی سینئر نائب صدر وچیف آرگنائزر مریم نواز نے کہا ہے کہ پاکستان کے دفاع پر سمجھوتہ نہ کرنے والا نوازشریف قوم کو معاشی قوت بنائے گا، ایک بار پھر عوام اور ملک کو بچانے واپس آرہا ہے۔تفصیلات کے مطابق گزشتہ روز تاجروں سے خطاب کرتے ہوئے شہباز شریف نے کہا کہ نوازشریف کی واپسی پر تاریخی استقبال کیا جائے گا، انہوں نے پاکستان کو ایٹمی قوت بنایا، بجلی کی لوڈشیڈنگ اور دہشت گردی کا خاتمہ کیا۔ قوم کو موٹر ویز اور میٹرو بس کا تحفہ دیا۔ ملک میں نوازشریف کی زیر قیادت بیشتر ترقیاتی منصوبے مکمل ہوئے۔ ہم نے شدید مہنگائی کے دور میں ماہ رمضان میں 70 ارب کی سبسڈی سے سستا آٹا فراہم کیا۔انہوں نے کہا کہ ہمارے خلاف کرپشن کے کیسز میں ایک دھیلہ ثابت نہیں ہوا، لوگ مجھے کہتے ہیں کہ 16 ماہ کے دوران اپنی سیاست کو نقصان پہنچایا، میں کہتا ہوں ہم نے ریاست کو بچایا ، سیاست کی پرواہ نہیں کی۔ ہمیں ترقی اور خوشحالی کیلئے ملک سے نفرتوں کا خاتمہ کرنا ہو گا۔
اہم خبریں سے مزید