فرمان الہی
نماز کے اوقات
کراچی( اسٹاف رپورٹر) ورلڈ کپ ون ڈے میں پاکستان اور بھارت ہفتے کو8ویں بار مدمقابل ہوں گے، اب تک کھیلے گئے ساتوں میچوں میں کامیابی بھارت کا مقدر بنی ہیں،بھارت 6 بار پہلے بیٹنگ کر کے اور ایک بار بعد میں بیٹنگ کرکے جیتا ہے،ورلڈکپ کے باہمی میچوں میں بھارت کا ہائی اسکور 336 اور پاکستان کا 273 ہے،ورلڈ کپ 2019 میں بھارت نے پاکستان کو 89 رنز سے شکست دی تھی،دونوں ملکوں کے درمیان ورلڈ کپ سمیت اب تک 134 میچز ہوچکے ہیں، پاکستان نے 73 ، بھارت نے 56 میچز جیتے ہیں اور 5 میچ بے نتیجہ ختم ہوئے۔ آخری پانچ مقابلوں میں بھارت ناقابل شکست ہے، جس میں 1 میچ بے نتیجہ ختم ہونے کے ساتھ 4 جیتے ہیں۔ 56 فتوحات میں سے، بھارت نے پہلے بیٹنگ کرتے ہوئے 27 بار اور تعاقب کرتے ہوئے 29 بار جیتا ہے، جب کہ پاکستان نے 33 بار تعاقب کرتے ہوئے اور 40 بار ہدف مقرر کرتے ہوئے میچ جیتے۔
