فرمان الہی
نماز کے اوقات
کراچی (اسٹاف رپورٹر) پی سی بی مینجمنٹ کمیٹی کے چیئرمین ذکا اشرف نے کہا ہے کہ اگر میں ہی چیئرمین رہا تو بورڈ کے سارے گند صاف کروں گا اور ایک اچھی ٹیم سامنے آئے گی، میری سابقہ پرفارمنس بہت اچھی رہی ہے ۔ 5 اکتوبر کے بعد جو بھی نیا چیئرمین آیا تو ان کے ساتھ ہماری نیک خواہشات ہونگی۔ چیئرمین نامزد ہونے کے بعد میں نجم سیٹھی کو الوداعی دعوت دینا چاہتا تھا تاکہ درمیان کی خلش ختم ہو لیکن انہوں نے میرے اوپر کیسز کردیے۔ نجی ٹی وی کو انٹر ویو میں ذکا ء اشرف کا کہنا تھا کہ میں نے پہلے بھی کہا تھا لڑائی جھگڑا چھوڑتے ہیں ساتھ بیٹھ کر مجھے سپورٹ کریں ٹیم کے مفاد کا سوچتے ہیں۔
