• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان بہت وجیہہ ہیں انکا مداح ہوں، جنرل سلیمانی کا قتل زندگی کا بڑا واقعہ تھا، ڈونلڈ ٹرمپ

آج کا اخبار
اہم خبریں
08 نومبر ، 2023
کراچی ( جنگ نیوز) سابق امریکی صدر ڈونلڈ ٹرمپ نے ہوسٹن میں دو نومبر کو کسی انتخابی ریلی کے دوران خطاب کرتے ہوئے کہا ہے کہ میں عمران خان کا مداح ہوں،ٹوئٹرپر پوسٹ کی گئی ان کی ویڈیو میں وہ یہ کہتے نظر آتے ہیں کہ عمران خان بڑے کرکٹر رہے ہیں اور جب وہ پاکستان کے سربراہ بنے تو ٹرمپ کے بقول ’’انہوں نے کہا کہ جب مجھے جنرل سلیمانی کا پتہ چلا تو میں اپنے دفتر سے نکل آیا ۔ اپنے گھرگیا اور ایک ہفتے تک وہیں تنہائی میں رہا،یہ میری زندگی میں ہونے والا ایک بہت بڑا واقعہ تھا۔‘‘ٹرمپ نے اپنے خطاب میں مزید کہا کہ خان سب سے بڑے کرکٹ کے کھلاڑی تھے جیسے ہمارے ہاں بیس بال کے کھلاڑی ہوتے ہیں ۔و ہ بہت وجیہہ ہیں اور میں ان کا بہت مداح ہوں ۔ویڈیو جس کی تصدیق آزاد نیوز میڈیا سے نہیں ہوسکی ٹوئٹر پر بلوچی 5252 کے اکاؤنٹ سے پوسٹ کی گئی ہے اور اس پر دلچسپ تبصرے آئےہیں۔
اہم خبریں سے مزید