• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیف جسٹس ہائیکورٹ کے اختیارات ریگولیٹ کرنے کا معاملہ سامنے آگیا

آج کا اخبار
اہم خبریں
12 نومبر ، 2023
اسلام آباد (آئی این پی)چیف جسٹس پاکستان قاضی فائز عیسیٰ کے بعد چیف جسٹس ہائیکورٹ عامر فاروق کے اختیارات ریگولیٹ کرنے کا معاملہ سامنے آگیا۔ نجی ٹی وی کے مطابق اسلام آباد ہائیکورٹ کے جسٹس محسن اختر کیانی نے معاملہ ہائیکورٹ کی انتظامی کمیٹی کو بھیجنے کی سفارش کر دی جس میں کہا گیا ہے کہ چیف جسٹس کی عدم موجودگی میں انتظامی جج کے پاس بینچ تشکیل دینے کا اختیار نہیں، انتظامی جج ہنگامی نوعیت کے کیس کو بھی اسی دن سماعت کیلئے مقرر نہیں کر سکتا۔ جسٹس محسن اختر کیانی نے کہا کہ انتظامی جج کے پاس اہم نوعیت کا کیس بھی آگلے روز کیلئے مارک کرنے کا اختیار ہے، کیس مارک کرنے کے باوجود ایڈمنسٹریٹو جج سماعت کیلئے بینچ تشکیل نہیں دے سکتا، ایڈمنسٹریٹو جج محض چیف جسٹس کے فراہم کردہ اختیارات کے مطابق کیس مارک کر سکتا ہے، بادی النظر میں یہ پہلو درخواست گزار کو مشکل صورتحال میں ڈال دیتا ہے۔ انہوں نے کہا کہ اسلام آباد ہائیکورٹ کے انتظامی معاملات چلانے کا اختیار انتظامی کمیٹی کے پاس ہے، یہ معاملہ انتظامی کمیٹی کے سامنے رکھا جائے تاکہ وہ اس پر کوئی فیصلہ کر سکے، ہائیکورٹ رولز اینڈ آرڈرز کے تحت معاملہ فل کورٹ کے سامنے بھی رکھا جا سکتا ہے۔
اہم خبریں سے مزید