• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سسٹر زیف نے پاکستان کا نام روشن کیا قوم کو ان پر فخر ہے، شہباز شریف

آج کا اخبار
اہم خبریں
20 نومبر ، 2023
لاہور(خصوصی نمائندہ)مسلم لیگ (ن) کے صدر محمد شہباز شریف سے سسٹر زیف نے ملاقات کی ۔شہباز شریف نے پاکستان سے تعلق رکھنے والی سسٹر زیف کو 2023 کا گلوبل ٹیچر کا انعام جیتنے پر مبارک دی ۔شہباز شریف نے سسٹر زیف اور ان کے اہل خانہ کو خراج تحسین پیش کیا ۔شہباز شریف نے سسٹر زیف سے گفتگو کرتے ہوئے کہا کہ آپ نے پاکستان کا نام روشن کیا ،پوری قوم کو آپ جیسی بیٹی پر فخر ہے، پاکستان کی ترقی کا راز تعلیم میں ہے، نوجوانوں کو تعلیم اور ہنر سے آراستہ کر کے ہی پاکستان کو ترقی سے ہمکنار کیا جا سکتا ہے۔ بچوں اور بچیوں کی تعلیم، انہیں ہنر مند بنانا نواز شریف کی قیادت میں پاکستان مسلم لیگ (ن) کی ہمیشہ سے اولین ترجیح رہی ہے،شہباز شریف نے سسٹر زیف کی شاندار کامیابی پر انہیں خراج تحسین پیش کرنے کے لئے دعوت دی تھی۔ملاقات میں سکول نہ جانے والے بچوں، فروغ تعلیم اور تدریس کے شعبے کی بہتری کے حوالے سے امور پر تبادلہ خیال کیا گیا۔ سسٹر زیف نے شہباز شریف کی تعلیم اور ترقی کے لئے خدمات کو سراہتے ہوئے کہا کہ آپ نے فروغ تعلیم کے لئے پنجاب انڈامنٹ فنڈ، دانش سکول، تعلیمی وظائف، ای بکس، آئی ٹی اور لیپ ٹاپ سکیمز کے ذریعے گراں قدر خدمات انجام دی ہیں، سسٹر زیف نے حوصلہ افزائی کرنے پر شہباز شریف کا شکریہ ادا کیا،ملاقات میں شزا فاطمہ خواجہ اور رومینہ خورشید عالم بھی موجود تھیں۔ 
اہم خبریں سے مزید