فرمان الہی
نماز کے اوقات
کراچی(اسٹاف رپورٹر)نیشنل ٹی ٹوئنٹی کپ کرکٹ ٹورنامنٹ میں لاہور وائٹس نے کوئٹہ کو9وکٹ سے شکست دے دی۔ٹیسٹ اوپنر احمد شہزاد نے81اور محمد اخلاق نے44ناٹ آؤٹ رنز بناکر جیت میں اہم کردارادا کیا۔پیر کو این بی پی اسپورٹس کمپلکس میں سیالکوٹ نے آزاد کشمیر کو9وکٹ سے شکست دے دی۔ناکام ٹیم صرف59رنز پر ڈھیر ہوگئی ۔ عثمان خالد نے13رنز دے کر چار وکٹ حاصل کئے۔ ایچ پی سی اوول میں ایبٹ آباد نے فیصل آباد کو چھ وکٹ سے ہرادیا۔شاداب خان نے22رنز دے کر دو وکٹ حاصل کئے اور22ناٹ آؤٹ رنز بنائے۔کامران غلام نے ایک وکٹ لینے کے علاوہ62ناٹ آؤٹ رنز بنائے۔اسلام آباد نےحیدر آباد کو دس رنز سے شکست دے دی۔سرمد بھٹی نے 56ناٹ آؤٹ کی اننگز کھیلی۔اس سے قبل اتوار کی شب نیشنل اسٹیڈیم میں اسلام آباد نے ڈیرہ مراد جمالی کو2وکٹوں سے ہرادیا۔ناکام ٹیم 127 رنز بناکر آؤٹ ہوگئی۔زبیرخان46رنز بناکر ٹاپ اسکورر رہے۔ عمیرآفریدی نے 24رنز دے کر4 اور موسیٰ خان نے22 رنز دے کر3وکٹیں حاصل کیں۔ اسلام آباد نے آٹھ وکٹیں گنوانے کے بعد حماد صدیق کے ناقابل شکست 51 رنز کی بدولت کامیابی حاصل کرلی۔ شایان شیخ نے آخری گیند پر چوکا مارکر اپنی ٹیم کو کامیابی دلوائی۔
