کراچی (اسٹاف رپورٹر) شان مسعود کی قیادت میں پاکستانی کرکٹ ٹیم جمعے کی صبح دبئی سے سڈنی پہنچ رہی ہے۔ آسٹریلیا میں گرین کیپس کار یکارڈ زیادہ اچھا نہیں، قومی ٹیم اس بار ماضی کے مقابلے میں بہتر کارکردگی دکھانے کیلئے پرعزم ہے۔ ٹیم ڈائریکٹر محمد حفیظ کہہ چکے ہیں کہ آسٹریلیا صرف کھیلنے نہیں بلکہ جیتنے جارہے ہیں۔ لیکن نتائج کے مطابق پاکستان نے اب تک آسٹریلیا کی سرزمین پر 37 ٹیسٹ میچ کھیلے ہیں جن میں پاکستان صرف چار میچ جیت سکا ہے جبکہ 26 میں اسے شکست ہوئی۔ صرف یہی نہیں بلکہ پاکستان کو آسٹریلیا میں اپنے آخری 14 میچوں میں لگاتار شکست کا سامنا کرنا پڑا ہے۔ پاکستان کو پانچ مرتبہ وائٹ واش ہوچکا ہے یعنی پاکستان سیریز کے تمام ٹیسٹ میچ ہار گیا۔
فرمان الہی
نماز کے اوقات
