سوشل میڈیا کا بہت زیادہ استعمال، کم عمر نوجوانوں کیلئے نقصان دہ ہے، اسٹڈی رپورٹ

لندن (پی اے) سوشل میڈیا کا بہت زیادہ استعمال کم عمر نوجوانوں کیلئے نقصان دہ ہے۔ ایک تازہ ترین اسٹڈی میں اس کا انکشاف کرتے ہوئے کہا گیا ہے کہ نوجوانوں اور بچوں میں شراب نوشی، منشیات کے استعمال، سگریٹ نوشی اور جوئے کو بھی سوشل میڈیا کی وجہ سے فروغ ملتا ہے۔ گلاسگو اور اسٹیریٹھ کلائیڈیو یونیورسٹی اور پبلک ہیلتھ اسکاٹ لینڈ کی ایک ٹیم نے10سے19 سال کے نوجوانوں پر سوشل میڈیا کے اثرات کا جائزہ لیا ہے اس اسٹڈی میں1997سے2022کے دوران کی گئی73اسٹڈیز کے ڈیٹا کا بھی معائنہ کیا گیا۔ اس اسٹڈی سے ظاہر ہوا کہ شراب کے استعمال کے48فیصد، منشیات کے استعمال کے28فیصد اور سگریٹ نوشی کے 85فیصد واقعات کا تعلق روزانہ سوشل میڈیا کے استعمال سے ہوتا ہے۔ ریسرچرز نے دعویٰ کیا ہے کہ روزانہ سوشل میڈیا پر2گھنٹے گزارنے والے ہر سوشل میڈیا کے اثرات زیادہ شدید ہوتے ہیں۔ اہم اس سے ہونے والی اموات کا تجزیہ کرنے کیلئے ایک علیحدہ اسٹڈی کی ضرورت ہے۔ جس سے یہ اندازہ لگایا جاسکے کہ علاج معالجے کی سہولتوں کی عدم مساوات اور یہ معلوم ہوسکے کہ سوشل میڈیا کے کون سے پہلو زیادہ نقصان دہ ہیں۔ ریسرچرز کا کہنا ہے کہ سوشل میڈیا کا مسلسل استعمال جنسی رویے پر بھی منفی انداز میں اثر انداز ہوتا ہے جو لوگ روزانہ سوشل میڈیا کا پلیٹ فارم استعمال کرتے ہیں ان کے سماج دشمن سرگرمیوں میں ملوث ہونے اور جوا کھیلنے کے امکانات بھی بڑھ جاتے ہیں۔ اسٹڈی رپورٹ میں کہا گیا ہے کہ نوجوانی میں قدم رکھنے والوں کو اس خطرے سے بچانے کیلئے تعلیمی، سرکاری، صحت اور تعلیمی شعبے کو احتیاطی تدابیر تجویز کرنی چاہئیں۔