فرمان الہی
نماز کے اوقات
کراچی (اسٹاف رپورٹر) نیوزی لینڈ خواتین کرکٹ ٹیم نے پاکستانی ٹیم کو تین ون ڈے میچز کی سیریز کے پہلے میچ میں 131رنز سے ہرا دیا۔ کوئنز ٹاؤن میں ہوم سائیڈ نے 4وکٹ پر 365رنز بنائے۔ جواب میں پاکستان ویمنز ٹیم 234 رنز بنا کر آؤٹ ہو گئی۔ سدرا امین نے کیریئر کی چوتھی سنچری اسکور کی ۔ نیوزی لینڈ کی سوزی بیٹس کو پلیئر آف دی میچ قرار دیا گیا۔ انہوں نے گیارہ چوکوں کی مدد سے108رنز بنائے۔ بیزی ڈین ہوٹ نے 86 ، ایمیلیا کر نے83، جبکہ کپتان سوفی ڈیوائن نے صرف 36گیندوں پر70 رنز اسکور کیے۔ پاکستان ویمنز کو سدرہ امین اور منیبہ علی نے 110 رنز کا آغاز فراہم کیا۔ منیبہ علی 44 رنز بناکر آؤٹ ہوئیں۔ سدرہ امین نے105 رنز اسکور کیے ۔ صدف شمس 10، بسمہ معروف 14،عالیہ ریاض 14 اور عمیمہ سہیل 7 رنز بناپائیں۔ ایمیلیا کر نے 3 وکٹیں حاصل کیں۔
