• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دشمنی مجھ سے تھی، ملک کو کیوں نقصان پہنچایا، میرے خلاف شرمناک کھیل کے سارے چہرے بے نقاب ہوچکے، نواز شریف

آج کا اخبار
اہم خبریں
15 دسمبر ، 2023
لاہور(ایجنسیاں)مسلم لیگ(ن)کے قائد نواز شریف نے کہا ہے کہ دشمنی مجھ سے تھی ملک کو کیوں نقصان پہنچایاگیا‘ کسی لاڈلے کو لانے کے لیے ملک اورقوم کو سزا کیوں دی گئی؟ میرے خلاف شرمناک کھیل کے سارے چہرے بے نقاب ہو چکے ہیں‘امید ہے کہ عوام8فروری کو خوشحال پاکستان کے حق میں فیصلہ دیں گے۔ان خیالات کا اظہار انہوں نے ماڈل ٹاؤن لاہور میں جمعرات کے روز اپنے خطاب میں کیا۔نوازشریف کا کہنا تھاکہ اللہ نے مجھے سر خروکیا، اگر میں2013کے بعد اپنے خلاف شروع ہونے والی منظم سازش کی کہانی بیان کروں تو بہت وقت لگے گا ، اس کا آغاز اگست2014کے طویل دھرنوں سے ہوا اور اس کا پہلا مرحلہ 28جولائی2017کو ختم ہوا جب مجھے بیٹے سے تنخواہ نہ لینے کے جرم میں نہ صرف چھٹی کرا دی گئی بلکہ تاحیا ت نا اہل کر دیا گیا‘کس طرح مجھے سسیلین مافیا اور گاڈ فادر کی گالیاں دی گئیں‘کس طرح نیب کو تین ریفرنس دائر کرنے کا حکم ملا او رکس طرح سزائیں دی گئیں‘یہ ساری باتیں ریکارڈ پر آچکی ہیں۔
اہم خبریں سے مزید