• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بعض وکلاء خوش فہمی کا شکار عمران کو الیکشن سے پہلے باہر نہیں آنے دیا جائیگا، علیمہ خان

آج کا اخبار
اہم خبریں
27 دسمبر ، 2023
اسلام آباد (نمائندہ جنگ )عمران خان کی ہمشیرہ علیمہ خان نے کہاہے کہ بعض وکلاء خوش فہمی کا شکار ،عمران کو الیکشن سے پہلے باہر نہیں آنے دیا جائیگا،عمران خان نے پیغام دیاہے کہ یہ سازش ووٹرز کیخلاف ہوئی تھی،اگر یہ جرم ہے تو ہر وزیراعظم کی ڈیوٹی ہونی چاہیے کہ جنہوں نے اسے مینڈیٹ دے کر بھیجا ہے انھیں سازش کے بارے بتایا جائے، انہوں نے اڈیالہ جیل کے باہر میڈیا سے گفتگوکرتے ہوئے کہاکہ اگر کوئی ملک کیخلاف سازش کرے گا توکیا ہم چپ بیٹھے رہینگے؟یہ ملک سے غداری ہے، ہمیں یا قربانی دینی چاہیئے یا کھڑے رہنا چاہیے،بعض وکلاء خوش فہمی کا شکار ہیں ،عمران خان کو الیکشن سے پہلے باہر نہیں آنے دیا جائے گا،شاہ محمود کو خدشہ ہے کہ وہ رہا ہوئے تو دوبارہ گرفتار ہو جائینگے،بانی پی ٹی آئی بیک فٹ پر نہیں گیا ، اس نے کبھی اپنے الفاظ تبدیل نہیں کئے ، ہمیشہ ایک ہی بات کی ،شاہ محمود کی بیٹی مہر بانونے کہاکہ سوال یہ ہے شاہ محمودقریشی اور بانی پی ٹی آئی کا کیا قصور ہے۔
اہم خبریں سے مزید