• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق وزیراعظم بینظیر بھٹو اور سانحہ لیاقت باغ شہداء کی برسی تقریبات

میرا شہر
اسلام آباد
28 دسمبر ، 2023
راولپنڈی‘ اسلام آباد (اپنے رپورٹر سے‘ وقائع نگار) سابق وزیراعظم بینظیر بھٹو اور سانحہ لیاقت باغ کے شہداء کی 16برسی بدھ کو منائی گئی۔ راولپنڈی میں مختلف تقریبات میں شہداء کو خراج عقیدت پیش کیا گیا۔ پیپلز پارٹی ورکرز کے زیر اہتمام جائے شہادت پر قرآن خوانی تقریب میں ابن رضوی، ملک مظہر حسین اور دیگر نے خطاب کرتے ہوئے کہا کہ بینظیر بھٹو شہید عالمی شخصیت اور پاکستان کی نمایاں آواز تھیں۔ پیپلز پارٹی راولپنڈی سٹی صدر راجہ کامران حسین نے جائے شہادت پر جلسہ کیا۔ ترجمان آصف علی زرداری عامر فدا پراچہ‘ ملک انجم فاروق پراچہ‘ خالد نواز بوبی‘ رانا رفاقت علی‘ راجہ شاہد پپو‘ چوہدری افتخار احمد‘ راجہ محمد علی منہاس اور دیگر بھی شریک تھے۔ پی پی 10میں ہونیوالی تقریب میں راجہ محمد عرفان اسلم اور دیگر شریک ہوئے۔ ایکسپریس وے مری پر تقریب میں نظیر عباسی‘ سجاد حنیف عباسی‘ شفقت عباسی‘ عابد عباسی‘ ذاکر عباسی اور دیگر شریک تھے۔ پیپلز پارٹی سنٹرل سیکرٹریٹ کے انچارج سید سبط الحیدر بخاری کے زیراہتمام تقریب میں نیئر حسین بخاری‘ سنیٹر فرحت اللہ بابر سمیت دیگر شریک ہوئے۔
اسلام آباد سے مزید