• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بنگلہ دیش الیکشن، مودی کی شیخ حسینہ کو مبارکباد، چین اور دیگر کا بھی اظہار تہنیت

آج کا اخبار
اہم خبریں
09 جنوری ، 2024
کراچی ( جنگ نیوز) بھارتی وزیراعظم نریندر مودی ، چینی ، روسی، سری لنکن اور فلپائنی سفیر وں نے بنگلہ دیشی ہم منصب شیخ حسینہ واجد کو مسلسل چوتھی مرتبہ پارلیمانی انتخابات میں تاریخی فتح حاصل کرنے پر مبارکباددی ہے۔ بھارتی وزیراعظم نریندر مودی نے ایکس پر اپنے خیالات کا اظہار کرتے ہوئے کہا کہ انہوں نے وزیراعظم شیخ حسینہ واجد سے فون پر بات کی اور انہیں مسلسل چوتھی مرتبہ فتخ حاصل کرنے پر مبارکباددی ہے۔ بھارتی وزیراعظم نے بنگلہ دیشی عوام کو بھی کامیاب انتخابات کے انعقاد پر مبارکباد دی ہے ۔اپنے پیغام میں انہوں نے مزید کہاکہ ہم عوامی رابطوں کی مرکزیت والے مسلسل رابطوں کےلیے پرعزم ہیں اور انہیں مزید مضبوط کرنے کے خواہاں ہیں۔ انتخابات میں عوامی لیگ کی کامیابی کے بعد روسی ، چینی ، سری لنکن اور فلپائنی سفیروں اور آغاخان ڈویلپمنٹ کے سفارتی مشن کے سفیر نے حسینہ واجد سے ملاقات کی اور انہیں مبارکباد دی ۔
اہم خبریں سے مزید