فرمان الہی
نماز کے اوقات
کراچی(اسٹاف رپورٹر) قومی خواتین ٹی ٹوئنٹی کرکٹ ٹورنامنٹ میں پیرکو لاہور، کوئٹہ اور ملتان نے کامیابی حاصل کی۔راولپنڈی میں لاہور نے کراچی کو 9 رنز سے شکست دیدی۔لاہور نے 5 وکٹ پر 149 رنز بنائے۔ بسمہ معروف نے 54 اور سدرہ امین نے 41 رنز اسکور کیے۔ناکام ٹیم 6 وکٹ پر 140 رنز بنانے میں کامیاب ہوسکی۔ عمیمہ سہیل نے 46 رنز اسکور کیے۔ بسمہ معروف کو پلیئر آف دی میچ قرار دیا گیا۔کوئٹہ نے پشاور کو 65 رنز سے ہرادیا۔کوئٹہ نے 4 وکٹ پر165 رنز بنائے۔ دعا ماجد نے 56، طوبٰی حسن نے 46 اور فریحہ محمود نے 41 رنز کی اننگز کھیلی۔ پشاور 7 وکٹوں پر 100 رنز بنا پائی۔ صائمہ ملک نے 9 رنز دے کر 3 وکٹیں حاصل کیں۔ اسلام آباد میں ملتان نے راولپنڈی کو 7 وکٹوں سے ہرادیا۔راولپنڈی 110 رنز بناکر آؤٹ ہوگئی۔ نورالایمان نے 15 رنز دے کر 4 وکٹیں حاصل کیں۔ ملتان نے گل فیروزہ کے 61 رنز ناٹ آؤٹ کی بدولت مطلوبہ اسکور تین وکٹوں پر پورا کرلیا۔
