راولپنڈی (وسیم اختر،سٹاف رپورٹر)ممکنہ دہشت گردی اور عام انتخابات کے حوالے سے کسی بھی ناخوشگوار واقعہ سے بچنے کے لئے راولپنڈی پولیس نے سرچ آپریشنزکاسلسلہ شروع کردیا۔ ذرائع کے مطابق دہشت گردی کے حوالے سے حالیہ تھریٹس ،ٹارگٹ کلنگ اور انتخابی مہم کے دوران ناخوش گوار واقعات سے بچاؤکے لئے ضلع بھر میں سکیورٹی انتظامات کے تحت سرچ آپریشنزکاسلسلہ شروع کیاگیاہے ۔ایس ایس پی آپریشنز کی جانب سے جاری کئے گئے مراسلے میں کہاگیاہے،موجودہ ملکی صورت حال کے پیش نظر ضلع بھرمیں سرچ آپریشنز کئے جائیں ۔اس سلسلے میں پیر کو راولپنڈی ضلع کے تمام 33پولیس سٹیشنوں کی حدودمیں سرچ آپریشن کئے گئے ۔یہ آپریشنز احاطہ مٹھوخان اور گردونواح،علامہ اقبال کالونی ، آشیانہ چوک ، سہام ، ٹینچ بھاٹہ بازار،ڈھوک چراغ دین ، جھامرہ ، ڈھوک حافظ ،پنڈگوندل ، ڈھوک پٹھان، محلہ سلیم نگر ، دریا آباد،ڈھوک رتہ ، موہن پورہ ، خیابان سرسید ، چٹیاں ہٹیاں ، جامع مسجدروڈ، شکریال ، پنڈورہ ، ڈھوک نور ، پٹھان کالونی چکری روڈ ، میال گاؤں ، کروڑ، بگا شیخاں ،حیات سرروڈ ، موہڑہ مندو اور دیگر علاقوں میں کئے گئے ۔
فرمان الہی
نماز کے اوقات
