فرمان الہی
نماز کے اوقات
کراچی ( اسٹاف رپورٹر ) سندھ ہائی کورٹ کے جسٹس نعمت اللہ پھلپھوٹو کی سربراہی میں دو رکنی بینچ نے لاپتا شہریوں کو بازیاب کرانے کا حکم دیدیا ، درخواستوں کی سماعت پر عدالت نے بیشتر لاپتا افراد کی بازیابی سے متعلق پولیس رپورٹس غیر تسلی بخش قرار دے دیں، جسٹس نعمت اللہ پھلپھوٹو نے ریمارکس دیئے کہ بتایا جائے ایک مہینے کا وقت دیا تھاکیا اقدامات کئے؟ تفتیشی افسر نے کہا کہ مختلف اداروں کو خطوط لکھے گئے جواب نہیں ملا، عدالت نے وفاقی سیکریٹری داخلہ کو معاملے میں مداخلت کرنے کی ہدایت کی کہ دیکھا جائے لاپتا افراد کہاں گئے، کون لے گیا، عدالت نے لاپتہ شہری عمران، فیضان علی، بہادر، جنید احمد، محمد یونس، عمیر زمان، عبد الحسن، سعدیہ، زرداد خان و دیگر کی بازیابی کے لیئے اقدامات کرنے کا حکم دیدیا، کئی لاپتا افراد کے اہلخانہ اور وکلا پیش نہیں ہوئے، عدالت نے سماعت 4 ہفتوں کے لیے ملتوی کردی۔
