• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ: پولیس پر فائرنگ کرنیوالے 2 ڈاکوؤں سمیت پانچ ملزمان گرفتار

میرا شہر
کوئٹہ
28 جنوری ، 2024
کوئٹہ(اسٹاف رپورٹر) پولیس پر فائرنگ کرنے والے 2 ڈاکووں سمیت پانچ ملزمان گرفتار ،منشیات لاکھوں روپے نقد ، مسروقہ رکشے برآمدکر لئے گئے ۔پولیس کے مطابق شالکوٹ پولیس نے گزشتہ شب دکانوں میں ڈکیتی کی کوشش ناکام بناتے ہوئے ایک ملزم کو گرفتار کر لیا تھاجبکہ تین ملزمان فرار ہو گئے تھے، گرفتار ملزم نقیب اللہ کی نشاندہی پر ایس پی سریاب شفقت امیر جنجوعہ کی سربراہی میں ایچ او شالکوٹ خیر محمد اور دیگر عملے نے کارروائی کرتے ہوئے پولیس پر فائرنگ کرنے اور ڈکیتی میں ملوث ملزمان آصف اور گل خان کو گرفتار کرکے اُنکے قبضے سے 2لاکھ 50ہزار روپے قبضے میں لے لئے جبکہ پشتون آباد پولیس نے منشیات فروش بہادرکے قبضے سے 5کلو چرس برآمدکرکے قبضہ میں لے لی۔ سیٹلایٹ ٹائون پولیس نے نصیب اللہ کے قبضہ سے مسروقہ موٹر سائیکل برآمد کرلی اسی طرح ایس ایچ او بروری عبدالحئی نے کارروائی کرتے ہوئے میر وائس اور احسان اللہ سے 2 رکشے برآمد کرلئے جبکہ نامزد ملزمان جمعہ خان اور فتح محمد کو گرفتار کرلیا۔
کوئٹہ سے مزید