فرمان الہی
نماز کے اوقات
کراچی (اسٹاف رپورٹر) برسبین ٹیسٹ میں آسٹریلیا کے دانت کھٹے کرکے تباہی پھیلانے والے فاسٹ بولر شمر جوزف آئندہ ماہ پاکستان سپر لیگ میں پشاور زلمی کی جانب سے تباہی پھیلائیں گے۔ انہیں گس اٹکنسن کے متبادل کے طور پرجزوی طور پر ٹیم میں شامل کیا گیا ہے۔اٹکنسن افغانستان کے اسپنر نور احمد کی جگہ لیں گے، پشاور زلمی نے جزوی طور پر دستیاب نوین الحق کی ری پلیسمنٹ کو ریزرو رکھا ہے۔ زلمی کے مالک جاوید آفریدی نے جوزف کو خوش آمدید کہا ہے۔پاکستان کرکٹ بورڈ نےپاکستان سپر لیگ 9 کی سپلیمنٹری کیٹگری اور ری پلیسمنٹ کا اعلان کردیا ہے۔ راشد خان پاکستان سپر لیگ میں لاہور قلندرز کی نمائندگی نہیں کریں گے ۔ کیرون پولارڈ بھی پورے ٹورنامنٹ میں شرکت نہیں کریں گے۔ کراچی کنگز نے ان کی جگہ زاہد محمود جبکہ لیوس ڈی پلوئے اور محمد روحید کو اسکواڈ میں شامل کر لیا۔ پشاور زلمی نے سلور کیٹگری میں لونگی انگیڈی کی جگہ وقار سلامخیل کوشامل کیا ہے۔ لاہور قلندرز نے مکمل راشد خان اور جزوی دستیاب ڈان لارنس کے متبادل پک کو ریزرو رکھا ہے۔ اسلام یونائیٹڈ نے ٹام کرن کے متبادل کو ریزرو رکھا ہے ۔ اسلام آباد یونائیٹڈ نے ٹم سیفرٹ کی جگہ اپنی پک کو ریزرو رکھا ہے۔کوئٹہ گلیڈی ایٹرز میں سر ی لنکا کے وانندو ہسارنگا کی خگہ کوئٹہ کےبسم اللہ خان کو شامل کیا ہے۔ لاہور قلندر نے سری لنکن وکٹ بیٹر بھانوکا راجاپکسا کا انتخاب کیا ہے۔ ملتان سلطانز نے جانسن چارلس اور محمد شہزاد جبکہ کوئٹہ گلیڈی ایٹرز نے لاری ایونٹ کو شامل کیا ہے۔ حیدر علی کو اسلام آباد یونائیٹڈ نے سپلیمنٹری کٹیگری میں لیاہے۔
