فرمان الہی
نماز کے اوقات
اسلام آباد (فاروق اقدس)لائٹ موڈ، ہشاش بشاش ،انتہائی پراعتماد‘‘نواز شریف پوری طرح فارم میں آگئے،پولنگ میں صرف چند دن باقی رہے گئے ،میاں نواز شریف پوری طرح فارم میں آگئے ہیں جس کا مظاہرہ جمعرات کو خیبرپختونخوا کے ضلع سوات کے مرکزی شہر مینگورہ میں ایک بڑے جلسہ عام سے خطاب کے دوران دیکھنے میں آیا۔
ایک طرف مسلم لیگ کے قائد غیر معمولی طور پر انتہائی پراعتماد اور ہشاش بشاش نظر آرہے تھے تو دوسری طرف اپنی وزارت عظمیٰ کے تین ادوار میں ملک کی تعمیر و ترقی سمیت قومی اور عوامی مفاد کے دیگر اقدامات کا تذکرہ اور موازنہ اپنے معزول کئے جانے کے بعد مخالفین کی جانب سے کئے جانے والے دعوئوں سے کر رہے تھے۔
اپنے خطاب کے دوران انہوں نے سنجیدہ تقریر کے ساتھ ساتھ کہیں کہیں ’’لائٹ موڈ‘‘ میں دلچسپ جملوں سے بھی جلسے کے حاضرین میں جوش وخروش پیدا کیا۔
