راولپنڈی (اپنے رپورٹرسے) مری میں بارش اور برفباری وقفے وقفے سے جاری ہے۔ مری میں سیاحوں کیلئے انتظامات میں غفلت کے مرتکب محکمے کے خلاف ایف آئی آر درج ہوگی۔ایک گھنٹہ سے زیادہ کوئی سڑک بلاک نہیں رہنی چاہیے۔ مری انتظامیہ سیاح کی گاڑی خراب ہونے یا پٹرول ختم ہونے کی اطلاع پر فوری عمل درآمد یقینی بنائے۔ان خیالات کا اظہارکمشنرلیاقت علی چٹھہ نے دورہ مری کے دوران کیا۔ کمشنر نے ٹورسٹ سہولت سنٹر کا بھی معائنہ کیا۔ڈپٹی کمشنر مری نے کہا کہ مری میں سیاحوں کی سہولیات کے لیے 13 سہولت سنٹر قائم کیے گئے ہیں۔ مری میں گاڑیوں کے داخلے کے حوالے اسلام آباد کے مقام پر چیک پوسٹ قائم کر دی گئی ہیں۔
فرمان الہی
نماز کے اوقات
