فرمان الہی
نماز کے اوقات
کراچی(اسٹاف رپورٹر) پاکستان سپر لیگ کے دوران کھلاڑیوں، آفیشلز کو سخت سیکیورٹی فراہم کی جائے گی ۔ میچوں میں فول پروف سکیورٹی اور خاطر خواہ انتظامات کیلئے وزیراعلیٰ اور چیئر مین پی سی بی محسن نقوی نے ہدایات جاری کردیں۔ نگراں وزیراعلیٰ پنجاب محسن نقوی کی زیر صدارت اجلاس ہوا، جس میں چیف سیکرٹری زاہد اختر زمان، انسپکٹرجنرل پولیس ڈاکٹر عثمان انور، سیکرٹری داخلہ ودیگر اہم حکام نے شرکت کی ۔آئی جی ڈاکٹر عثمان انور نے کہا کہ ایونٹ کے دوران16 ہزار سے زائد پولیس و سیکیورٹی اہلکار فرائض انجام دیں گے۔ ڈی آئی جی آپریشنز لاہور علی ناصر رضوی نے بتایا کہ پاک فوج کی 3 کمپنیاں بھی پی ایس ایل 9 کی سیکیورٹی پر مامور ہوں گی۔
