فرمان الہی
نماز کے اوقات
اسلام آباد (رپورٹ حنیف خالد) بھکر میانوالی میں 26پولنگ اسٹیشنوں سمیت گھو ٹکی ودیگر مختلف پولنگ اسٹیشنز پر آج جمعرات کو دوبارہ پولنگ ہو گی۔ ان پولنگ اسٹیشنوں پر 8فروری کو ہنگامہ آرائی کے باعث پولنگ معطل کی گئی تھی ۔ ذرائع کے مطابق ان سٹیشنوں کے نتائج پولنگ کے چوبیس گھنٹے کے اندر متوقع ہیں ۔ ادھر چیف الیکشن کمشنر سکندر سلطان راجہ اور الیکشن کمیشن کے دیگر ارکان کی طرف سے ایک ایک روز میں 40سے زائد انتخابی عذر داریوں کی تیز رفتار سماعت اور فریقین کے وکلاء کے دلائل سننے کے بعد آرڈر تحریر کئے جا رہے ہیں ۔ ذرائع کا کہنا ہے کہ قومی اسمبلی کی 265 نشستوں کے فارم نمبر48 جاری ہوچکے ہیں اس لئے بھکر سمیت دیگر معطل شدہ پولنگ دوبارہ ہونے کے بعد کسی بھی وقت جیتنے والے قومی اسمبلی کے ارکان کے گزٹ نوٹیفکیشن کا مسودہ تیار ہوجائے گا۔ الیکشن کمیشن آف پاکستان اگلے ہفتے کے کسی بھی دن قومی اسمبلی کے 265 کامیاب امیدواروں کے ناموں کا گزٹ نوٹیفکیشن جاری کر دے گا۔
