• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق کمشنر راولپنڈی کا بیان سانحہ 9 مئی پارٹ ٹو ہے، ن لیگی رہنما

آج کا اخبار
اہم خبریں
19 فروری ، 2024
لاہور( این این آئی)پاکستان مسلم لیگ (ن)نے کہا ہے کہ تحریک انصاف کی جانب سے ایک اور 9مئی کرنے کی سازش کی جارہی ہے ،سابق کمشنر راولپنڈی کا بیان 9مئی پارٹ ٹو کی طرف پیشرفت کرنے کی بنیاد ہے، پاکستان کے خلاف ساری سازش بیرون ملک بیٹھ کر کی جارہی ہے، نگران حکومت کیا دیکھ رہی ہے کس چیز کا انتظار کر رہی ہے، وفاق اور صوبائی حکومتیں ان بلوائیوں اور جتھوں کو روکنے کیلئے پیشگی اقدامات کریں۔ان خیالات کا اظہار پاکستان مسلم لیگ (ن) کے سینئر رہنماؤں ملک محمد احمد خان، عطا اللہ تارڑ اور عظمیٰ بخاری نے پارٹی کے مرکزی سیکرٹریٹ میں پریس کانفرنس کرتے ہوئے کیا۔ اس موقع پر پی ٹی آئی کے سوشل ورکر ارسلان خالد کے مبینہ وٹس ایپ میسجز کے سکرین شارٹس بھی میڈیا کو دکھائے گئے۔ ملک احمد نے کہا کہ پاکستان کی سیاست پر حملہ کیا ، پارلیمنٹ کو متروک کیا ، عدلیہ پر حملہ کیا ، معیشت پر حملہ کیا ، افواج پاکستان پر حملہ کیا اور اب یہ پاکستان کے سول سٹرکچر پر حملہ آور ہو رہے ہیں ،یہ اسی سلسلے کی کڑی ہے کہ عوام کا الیکٹرول پراسس سے ایمان اٹھا دو ، نتائج کو تسلیم نہ کرتے ہوئے تشدد کا راستہ اختیار کرو ، حکومت سے مطالبہ ہے ان کی سرکوبی کریں ان کو روکیں ان کا تدارک کریں ، اگر کچھ ہوا تو ناکامی کی ذمہ داری نگران حکومت پر عائد ہو گی ، یہ سیاسی لوگ نہیں یہ بلوائی ہیں بلوائی جتھہ بند ہو رہے ہیں یہ حملہ آور ہو ں گے کیونکہ یہی ان کا طریقہ واردات ہے ، نگران وزیر اعظم ، نگران وزیر اعلیٰ پنجاب جاگیں،میں متنبہ کر رہا ہوںحکومت نے ان کا تدارک نہ کیا ،ان کو نہ روکا تو یہ ریاست پاکستان کا بڑا نقصان کریں گے۔
اہم خبریں سے مزید