فرمان الہی
نماز کے اوقات
کراچی( افضل ندیم ڈوگر ) پاکستان کی فضائی انڈسٹری سے اچھی خبر ہے کہ کراچی سے ایئر ٹیکسی سروس کا باقاعدہ اغاز کردیا گیا۔
سیر و تفریح کے دلدادہ شہریوں یا ہنگامی صورتحال میں سفر کے خواہشمند افراد اب فی گھنٹہ کرایہ پر ہوائی جہاز بک کرکے ملک بھر میں کہیں بھی کا سفر کر سکتے ہیں۔
ابتدائی طور پر اسکائی ونگز ایوی ایشن کے تحت کراچی سے سندھ اور بلوچستان کے تمام ایئرپورٹس کیلئے ایئر ٹیکسی دستیاب ہے۔
اسکائی ونگز ایوی ایشن کے سی ای او عمران اسلم خان کے مطابق اس آپریشن کے اغاز میں ان کے پاس 4 ایئر ٹیکسی دستیاب ہیں۔
ایئر ٹیکسی پر سفر کیلئے تعارفی کرایہ 95 ہزار روپے فی گھنٹہ مختص کیا گیا ہے۔ سہولت ابتدائی طور پر سندھ بلوچستان کے ایئرپورٹس، ایئر اسرپٹس، پرائیویٹ فیلڈز کیلئے دستیاب ہے تاہم کچھ عرصے بعد خیبر پختون خواہ اور پنجاب تمام ایئرپورٹس کیلئے بھی یہ سہولت دستیاب ہوگی۔
