• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مردان پولیس مقابلہ، ایس پی شہید، 2 دہشت گرد مارے گئے

آج کا اخبار
اہم خبریں
28 فروری ، 2024
کاٹلنگ مردان (نمائندگان جنگ) مردان پولیس مقابلہ ، ایس پی شہید ، 2دہشت گر د مار ے گئے، کاٹلنگ کے علاقہ زڑہ متہ میں رات گئے انٹیلی جنس بیسڈ آپریشن کیا گیا۔ جس کی قیادت ایس پی رورل محمد اعجاز شیرپاؤ کررہے تھے جو نہی دہشت گردوں کے ٹھکانوں کے گرد گھیرا ڈالا دہشت گردوں اور پولیس کے مابین فائرنگ کا تبادلہ ہوا۔ جسمیں TTP سے تعلق رکھنے والے محسن قادر اور نائب عباس ہلاک ہوئے تاہم قوم کی حفاظت کا فرض نبھاتے ہوئے ایس پی رورل محمد اعجاز شیرپاؤ بھی شہادت کے عظیم مرتبے پر فائز ہوگئے۔ جبکہ ڈی ایس پی رورل نسیم خان اور ان کے گنر زخمی ہوئے۔ ڈی پی او مردان نجیب الرحمن بگوی بھاری نفری کیساتھ موقع پر پہنچے۔ پولیس نے علاقے میں وسیع پیمانے پر سرچ اینڈ سٹرائیک آپریشنز شروع کردیا ہے۔ ٹی ٹی پی کے انتہائی مطلوب محسن قادر گروپ کے سرغنہ محسن قادر فورسز پر حملوں، ٹارگٹ کلنگ، بتھہ خوری اور دہشت گردی کے 21 مقدمات میں جبکہ عباس عرف عیسی بھی دہشت گردی کے 11 مقدمات میں پولیس کو انتہائی مطلوب تھے۔
اہم خبریں سے مزید