فرمان الہی
نماز کے اوقات
کراچی (اسٹاف رپورٹر) سلیم جعفر کی سربراہی میں خواتین کی قومی سلیکشن کمیٹی نے ویسٹ انڈیز کے خلاف 18 اپریل سے 3 مئی تک نیشنل اسٹیڈیم کراچی میں ہونے والی وائٹ بال سیریز کیلئے 20 ممکنہ کھلاڑیوں کا اعلان کردیا گیا۔ کھلاڑیوں میں عائشہ ظفر، گل فیروزہ ،رامین شمیم ، سدرہ نواز اور طوبی حسن کی واپسی ہوئی ہے۔ انجرڈ عمیمہ سہیل اور شوال ذوالفقار ممکنہ کھلاڑیوں میں شامل نہیں ہیں۔ طلب کردہ کھلاڑیوں میں عالیہ ریاض ، عائشہ ظفر، بسمہ معروف، ڈیانا بیگ ،فاطمہ ثنا ، غلام فاطمہ ،گل فیروزہ منیبہ علی، ناجیہ علوی، نشرہ سندھو۔نتالیہ پرویز، ندا ڈار، رامین شمیم، صدف شمس ، سعدیہ اقبال ،سدرہ امین ، سدرہ نواز ، طوبیٰ حسن ،ام ہانی اور وحیدہ اخترشامل ہیں۔ 20 رکنی اسکواڈ یکم اپریل کو کراچی میں جمع ہوگا اور 2 اپریل سے حنیف محمد ہائی پرفارمنس سینٹر میں کراچی میں سات روزہ کیمپ شروع ہو گا۔
