• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وساکھی میلہ کی تقریبات، بھارت سے سکھ یاتری پاکستان آج پہنچیں گے

آج کا اخبار
اہم خبریں
13 اپریل ، 2024
لاہور (اے پی پی)خالصہ جنم دن اور وساکھی میلہ کی تقریبات میں شرکت کے لیے بھارت سے سکھ یاتری ہفتہ 13اپریل کو پاکستان پہنچیں گے، جہاں متروکہ وقف املاک بورڈ کے اعلی حکام اور پاکستان گورودوارہ پربندھک کمیٹی کے پردھان سمیت دیگر سکھ ر ہنما مہمانوں کا استقبال کریں گے۔ترجمان متروکہ وقف املاک بورڈ کے مطابق چیئرمین بورڈ کی ہدایات اور پربندھک کمیٹی کی مشاورت سے سکھ یاتریو ں کی مہمان نوازی کے لیے تمام تر صلاحیتیں بروئے کار لائی جائیں گی،اس سلسلہ میں سکیورٹی رہائش،ٹرانسپورٹ و دیگر سہولیات کیلیے تمامتر انتظامات مکمل ہیں جبکہ انتظامی و سیکورٹی اداروں کا مکمل تعاون حاصل ہے۔ترجمان کے مطابق بورڈ کے ایڈیشنل سیکرٹری شرائنز رانا شاہدکی زیر نگرانی تقریبات کے انتظامات کو حتمی شکل دے دی گئی ہے، طے شدہ شیڈول کے مطابق لاہور پہنچنے کے بعد یاتریوں کو بذریعہ اسپیشل ٹرین حسن ابدالروانہ کر دیا جائے گا جہاں پر وساکھی میلہ کی مرکزی تقریب میں شرکت کرینگے جو 14اپریل کو گورودوارہ پنجہ صاحب حسن ابدال میں منعقد ہو گی،یاتری 15اپریل کو حسن ابدال سے ننکانہ صاحب پہنچیں گے جہاں پرقیام کے دوران سچا سودا فاروق آبا کی یاترا کریں گے اور 18اپریل کو گورو دوارہ دربار صاحب کرتار پور نارووال جائیں گے۔
اہم خبریں سے مزید