• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریڈیو پاکستان پر کرکٹ سمیت کھیلوں کی کمنٹری دوبارہ شروع کی جائے، کاشف شبیر

میرا شہر
اسلام آباد
24 اپریل ، 2024
اسلام آباد ( جنگ نیوز) کرکٹ کمنٹیٹر کاشف شبیر نے مطالبہ کیا ہے کہ ریڈیو پاکستان پرکھیلوں خصوصاً کرکٹ کمنٹری کو دوبارہ شروع کیا جائے ۔ انہوں نے کہا کہ ماضی میں ملک کے چپے چپے میں کرکٹ کمنٹری کی بازگشت سنائی دیتی تھی۔ ریڈیو پاکستان دنیا بھر میں ہونیوالے اہم کرکٹ میچز پر رواں تبصرہ اپنے نیٹ ورک سے نشر کرتا تھا ۔اب اس خلا کو پر کرنے کیلئے متعدد ریڈیو سٹیشن سامعین کی یہ ضرورت پوری کر رہے ہیں لیکن یہ نشریات محدود علاقوں میں سنی جاسکتی ہیں ۔ جو سامعین دور دراز اور پسماندہ علاقوں میں رہائش پذیر ہیں ان تک کھیل کے مقابلوں پر رواں تبصرہ پہنچانے کے لئےواحد آپشن ریڈیو پاکستان ہی ہے۔ انہوں نےحکومت پاکستان اور ریڈیو پاکستان کے افسران بالا سے اپیل کی ہے کہ ریڈیو پر کمنٹری کی روایت دوبارہ شروع کرکے لاکھوں سامعین کو مستفید کیا جائے۔
اسلام آباد سے مزید