ڈیرہ اسماعیل خان، سکیورٹی فورسز کا انٹیلی جنس بیسڈ آپریشن، دو دہشتگرد مارے گئے

راولپنڈی(صباح نیوز) سکیورٹی فورسز نے دہشت گردوں کی موجودگی کی اطلاع پر ڈیرہ اسماعیل خان میں انٹیلی جنس بیسڈ آپریشن کیا، اس دوران شدید فائرنگ کا تبادلہ ہوا جس میں دو دہشت گرد مارے گئے، ہلاک دہشتگردٹارگٹ کلنگ اور بھتہ خوری ،بیگناہ شہریوں کے قتل میں ملوث تھے۔پاک فوج کے شعبہ تعلقات عامہ(آئی ایس پی آر) کے مطابق ہلاک دہشتگردوں کی شناخت فہیم نواز عرف گنڈاپوری اور محسن نواز کے ناموں سے ہوئی ہے۔ترجمان پاک فوج کے مطابق ہلاک دہشت گردوں سے اسلحہ، گولہ بارود اور دھماکہ خیز مواد بھی برآمد ہوا ہے۔