• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، رنگ روڈ پر بم دھماکہ پولیس کی بکتر بند گاڑی کو نقصان

آج کا اخبار
اہم خبریں
13 مئی ، 2024
پشاور( کرائم رپورٹر) رنگ روڈ پر بم دھماکا سے پولیس کی بکتر بند گاڑی کو جزوی نقصان پہنچ گیا جبکہ خزانہ میں رشتہ تنازع پر نوجوان کو قتل کردیا گیا ،ملزم واردات کے بعد فرار ہو گیا ۔گزشتہ شام نامعلوم افراد نے رنگ روڈ پر ہزار خوانی چوک کے قریب سنٹر میڈیا میں دھماکہ خیزمواد رکھاتھا جونہی وہاں سے پولیس کی بکتر بند گاڑی گزری اس دوران زور دار دھماکہ ہو گیاجس سے پولیس کی بکتر بند گاڑی اور قریب واقع عمارتوں کو جزوی نقصان پہنچا تاہم کوئی جانی نقصان نہیں ہوا۔ پولیس کا کہناہے کہ بکتر بند گاڑی نوشہرہ سے مرمت کے لئے رنگ روڈ لائی گئی تھی پولیس اوربم ڈسپوزل یونٹ نے دھماکہ خیزموادکے نمونے حاصل کر لئے ۔ادھر تھانہ خزانہ کی حدود سیوان اعظم ٹاؤن میں شاہین مسلم ٹاؤن کے رہائشی سلمان ولد سلیم کو فائرنگ کرکے قتل کردیا گیا مقتول کے والد نے جنید خان کے خلاف قتل کی دعویداری کرتے ہوئے بتایا کہ سلمان جنید کی بہن کے ساتھ شادی کا خواہش مند تھا اسی تنازع پرجنیدنے سلمان کو قتل کیا۔
اہم خبریں سے مزید