• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبر پختونخوا انڈر 23 ریجنل گیمز ،پشاور ریجن کی خواتین کے ٹرائلز آج ہونگے

میرا شہر
پشاور
22 مئی ، 2024
پشاور (خصوصی نامہ نگار) خیبر پختونخوا انڈر 23 ریجنل گیمز کے سلسلے میں پشاور ریجن خواتین ٹرائلز آج پشاور سپورٹس کمپلیکس میں منعقد ہوں گے جس میں ڈسٹرکٹ چارسدہ، مہمند، خیبر، نوشہرہ اور پشاور کی خواتین شرکت کریں گی جبکہ مردوں کے ٹرائلز جمعرات 23 مئی کو ہوں گے۔ ریجنل سپورٹس آفیسر پشاور کاشف فرمان کے مطابق ڈائریکٹوریٹ جنرل خیبر پختونخوا کے زیر اہتمام انڈر 23 گیمز 28 مئی سے شروع ہوں گی، یکم جون 2001 کے بعد پیدا ہونے والے افراد ٹرائلز میں حصہ لینے کے اہل ہیں۔ کھلاڑیوں کو فارم ب اور قومی شناختی کارڈ لانے کا کہا گیا ہے۔ کرکٹ کے ٹرائلز معاذ اللہ خان کرکٹ اکیڈمی پشاور سپورٹس کمپلکس، فٹبال طہماس سٹیڈیم، اتھلیٹکس کے ٹرائلز حیات آباد سپورٹس کمپلیکس، والی بال، بیڈمنٹن، سکواش، ٹیبل ٹینس،کراٹے اور تائیکوانڈو ٹرائلز پشاور سپورٹس کمپلیکس، تھرو بال کے ٹرائلز طہماس سٹیڈیم پشاور شہر میں ہوں گے۔ ٹرائلز میں منتخب ہونے والے کھلاڑیوں کو ڈائریکٹوریٹ جنرل آف سپورٹس خیبر پختونخوا کی جانب سے کٹ اور جوتے فراہم کئے جائیں گے۔
پشاور سے مزید