فرمان الہی
نماز کے اوقات
کراچی( اسٹاف رپورٹر) پاکستانی ہاکی ٹیم نے نیشنز کپ میں تین گول کے خسارے میں ہونے کے باوجودملائیشیا کے خلاف میچ4-4 سے برابر کردیا۔ جمعے کو پولینڈ میں افتتاحی میچ میں ملائیشیا نے پہلے 11 منٹ میں 3 گول داغ دیے۔ چوتھے منٹ میں پنالٹی اسٹروک پر ساری فطری نے ملائیشیا کو برتری دلائی،2 منٹ بعد ہی ابو کمل نے دوسرا اور اس کے 3 منٹ بعد فاضیل ساری نے تیسرا گول کردیا۔ دوسرے کوارٹر میں پاکستان کے عبد الرحمٰن نے گول کرکے ایک گول کا خسارہ کم کیا لیکن 10 منٹ بعد ساری فطری نے مزید ایک گول کرکے مقابلہ چار ایک کردیا۔ دوسرے ہی منٹ میں محمد سفیان نے پنالٹی کارنر پر گول کرکے مقابلہ چار دو کردیا۔ تیسرے کوارٹر میں شاہد حنان نے خوبصورت گول کرکے میچ کو دلچسپ بنادیا ، میچ کے آخری منٹ میں پنالٹی اسٹروک پر ابوبکر نے گول کرکے مقابلہ برابر کیا۔دیگر میچوں میں فرانس نے کینیڈا کو4-0 جبکہ آسٹریلیا نے جنوبی افریقا کو3-4 سے شکست دے دی۔
