• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چمن‘ پرتشدد مظاہروں کا سلسلہ تیسرے روز بھی جاری‘ 11 افراد زخمی

آج کا اخبار
اہم خبریں
08 جون ، 2024
چمن(نورزمان اچکزئی) چمن میں دھرنا مظاہرین اور سیکورٹی فورسز کے مابین تیسرے روز بھی جھڑپوں میں مزید 11مظاہرین زخمی ہوگئے۔ ڈی سی آفس میں گھسنے کی کوشش‘ فورسز پر پتھراؤ‘ جھڑپوں میں 70 سے زائد مظاہرین گرفتار،جمعہ کو مظاہرین ایک بار پھر صبح ہی شہر میں ٹولیوں کی شکل میں داخل ہوئے اور زبردستی دکانیں بند کرائیں، اس دوران سٹی روڈ پر ضلع کمپلیکس میں ڈپٹی کمشنر آفس میں گھسنے کی کوشش کوپولیس نے ناکام بنادیا تو وہاں دھرنادےکر ٹریفک معطل کردی۔ مظاہرین مختلف گروپس مختلف علاقوں میں ہنگامہ آرائی کرتےرہے اور فورسز کے ہیڈکوارٹر پر پتھراؤ کیا۔ ادھر فورسز اورمظاہرین کے شہر کےکئی مرکزی علاقوں میں تصادم دن بھر جاری رہا ،پتھراؤ کے جواب میں فورسز آنسوگیس کی شیلنگ اور ہوائی فائرنگ کرتے ہوئے مظاہرین کو منتشر کرنے کی کوشش کرتی رہیں۔ جمعہ کو اندرون شہر مال روڈ، سٹی روڈ، ٹرنچ روڈ، کامرس روڈ و دیگر علاقے میدان جنگ بنے رہے۔
اہم خبریں سے مزید