فرمان الہی
نماز کے اوقات
کراچی(اسٹاف رپورٹر)ٹی ٹوئنٹی ورلڈ کپ میں پاکستان کے خلاف میچ سے قبل پریس کانفرنس میں بھارتی کپتان روہیت شرما نے کہا ہے کہ پچ جیسی بھی ہو،سامنا کسی سے بھی ہو، ہمیں اپنی بہترین کرکٹ کھیلنا ہے۔پاکستان کیخلاف میچ کیلئےگیم پلان پر بات ہوئی ہےصورتحال کے مطابق ہی کرکٹ کھیلیں گے۔پاکستان پچھلے بار زمبابوے سے ہارنے کے بعد بھی فائنل کھیلا تھا۔ٹی ٹوئنٹی میں کسی بھی وقت صورتحال بدل جاتی ہے۔ یہ نہیں سوچ سکتے کہ پچھلا میچ پاکستان ہارا تو یہ بھی ہار سکتا ہے۔ہفتے کو روہیت شرما نے کہا کہ ٹیم میں سب تجربہ کار کھلاڑی ہیں، ان سے اچھے کی ہی توقع ہے۔ایک دو پلیئر پر انحصار نہیں کرسکتے ، تمام11کو کردار ادا کرنا ہوگا،اہم کھلاڑی ہر ٹیم میں ہوتے ہیں لیکن کردار سب کا ہی رہتاہے۔یہاں کی کنڈیشنز میں مشکلات ہیں۔پچھلے سات ماہ میں پاکستان کے ساتھ تیسری مرتبہ کھیل رہے،پہلے چار سال بعد میچ ہوتا تھا تو بات اور تھی، اب یہ میچ کسی دوسرے میچ کی طرح ہے۔پاکستان ٹیم یقینی طور پر اپنی غلطی کا تجزیہ کرکے آئے گا۔
