فرمان الہی
نماز کے اوقات
کراچی(اسٹاف رپورٹر) گلشن اقبال حسین ہزارہ گوٹھ میں پانی اور بجلی کی طویل کے خلاف علاقہ مکینوں نے مین یونیورسٹی روڈ کو بلاک کرکے احتجاجی مظاہرہ کیا جس کے باعث یونیورسٹی روڈ اور اطراف کی سڑکوں پر بدترین ٹریفک جام ہوگیا، علاوہ ازیں کورنگی میں پانی اور بجلی کی طویل بندش کے خکلاف علاقہ مکینوں نے سنگر چورنگی سے بلال چورنگی کی جانب آنے جانے والے دونوں سڑکوں کو ٹریفک کے لئے بند کرکے احتجاج کیا جس کے باعث اطراف کی شاہراہوں پر بدترین ٹریفک جام ہوگیا،جس کے باعث ٹریفک میں پھنسے شہریوں کو شدید ا ذیت کا سامنا کرنا پڑا۔دریں اثناء نارتھ کراچی میں بلاجواز بد ترین لوڈشیڈنگ کے خلاف جماعت اسلامی کی جانب سے نارتھ کراچی مین پاور ہائوس چورنگی کےقریب احتجاجی دھرنا دیا گیا ، دھرنے میں موجود ٹائون چیئرمین محمد یوسف اور دیگر کا کہنا تھا کہنارتھ کراچی میں سارا دن بجلی کی آنکھ مچولی کے بعد رات 1 بجے سے بجلی کی سپلائی بند کردی جاتی ہے، گھنٹوں بجلی کی سپلائی بند ہونے سے پانی کی فراہمی بھی بند ہو جاتی ہے، مظاہرین کا کہنا تھا کہ سیکٹر 11E نارتھ کراچی میں دن میں 6 مرتبہ ڈیڑھ ڈیڑھ گھنٹے کی بلاجوازلوڈ شیڈنگ ، لائن فالٹ کے نام پر رات میں بھی گھنٹوں بجلی بند کرکے اذیت دی جاری ہے۔
