سٹریٹ کرائمزکے 50سے زائد روزنامچے ایف آئی آر میں تبدیل

پشاور(کرائمز رپورٹر) چیف کیپیٹل سٹی پولیس آفیسر پشاور قاسم علی خان کے احکامات کے بعد سٹریٹ کرائمز سمیت مختلف نوعیت کے درج 50سے زائد روزنامچے ایف آئی آر میں تبدیل کردیئے گئے ہیں جس کے بعد پولیس نے ان مقدمات میں تفتیش کاباقاعدہ آغاز کردیا ہے واضح رہے کہ سی سی پی او نے تمام تھانوں کے ایس ایچ اوز اور متعلقہ افسران کو احکامات جاری کئے تھے کہ مختلف واقعات خصوصا سٹریٹ کرائمز میں ایف آئی آر کااندراج لازمی کیاجائے گاجبکہ جو تھانہ بروقت ایف آئی آر درج نہیں کرے گا اس کیخلاف کارروائی کی جائے گی اس ضمن میں یکم جون سے اب تک درج تمام روزنامچے فوری طور پر ایف آئی آر میں تبدیل کرنے کاحکم دیا گیا تھا ۔