اسلام آباد کےاتوار بازاروں میں خریداروں کا رش، مہنگے نرخ و شکایا ت برقرار

اسلام آباد ( ایوب ناصر، خصوصی نامہ نگار ) وفاقی دارالحکومت کےاتوار بازاروں میں خریداروں کے رش نے تمام سبزیوں کی قیمتوں میں اضافہ کر دیا ،سٹال ہولڈرز کے رویے بارے شکایات ختم نہ ہو سکیں ، شہر بھر سبزیوں اور پھلوں کی قیمتیں اتوار بازاروں کے مقابلے میں آسمان سے باتیں کر رہی تھیں ، مقررہ سے کافی زیادہ ہونے کے باوجود سٹال ہولڈرز کسی خوف کا شکار نظر نہیں آئے۔ اتوار بازاوں میں، آلو پھیکا90 روپے کلو ، سفید آلو 65 روپے کلو, پیاز 100روپے کلو ،ادراک 692 روپے کلو , دیسی لہسن352 ، کوئٹہ لہسن 420, ٹماٹر 170،سبز توری 96 روپے، کالی توری 96 روپے، ٹینڈا دیسی 185+ روپے ، بھنڈی 165 روپے ، سفید لوکی 112 روپے، اروی 140 ،سبز مرچ 92، شملہ مرچ106 روپے ، لیموں دیسی 420روپے، لیموں چائنا 276 روپے، فراش بین 160روپے فی کلو مقرر تھی، زندہ مرغی 315 روپے اور انڈے 249کی بجائے 250 فروخت کئے جا رہے تھے۔