فرمان الہی
نماز کے اوقات
کراچی(اسٹاف رپورٹر) زون چھ نے پی سی بی ریجنل انٹر ڈسٹرکٹ انڈر-19کرکٹ ٹورنامنٹ کے چیمپئن بننے کا اعزاز حاصل کر لیا جبکہ زون سات ٹورنامنٹ کی رنرزاپ رہی۔کے سی سی اے اسٹیڈیم پر کھیلے گئے اپنے آخری گروپ میچ میں زون پانچ پہلے بیٹنگ کرتے ہوئے صرف 49رنز بناکر آؤٹ ہوگئی۔ حسن اقبال نے 17 رنز بنائے۔ عبدالمعیز نے 5 اور عبداللہ حنان نے 17 رنز دیکر 4 کھلاڑیوں کو آؤٹ کیا ۔ جواب میں ناقابل شکست زون چھ نے 7.1 اوورز میں 1 وکٹ کے نقصان پر مطلوبہ 50 رنز بنالئے۔ ہارون ارشد نے ناقابل شکست 39 رنز بنائے۔دوسرے میچ میں زون دو نے زون ایک کو 113 رنز سے ہرا دیا۔ زون دو نے پہلے بیٹنگ کرتے ہوئے 2 وکٹوں کے نقصان پر 313 رنز بنائے۔ عمر فاروق نے 17 چوکوں 2 چھکوں کی مدد 135 اور زین جعفری نے 14 چوکوں کی مدد سے 123 رنز بنائے اور دونوں ناقابل شکست رہے۔ جواب میں زون ایک 198 رنز بنا کر آؤٹ ہوگئی۔
