فرمان الہی
نماز کے اوقات
کراچی (اسٹاف ر پو ر ٹر ) امیر جماعت اسلامی کراچی منعم ظفر خان نے امیر جماعت اسلامی گلبرگ وسطی فاروق نعمت اللہ،چیئرمین لیاقت آباد ٹاؤن فراز حسیب کے ہمراہ یونین کمیٹی نمبر 2 لیاقت آباد ٹاؤن میں منصورہ اسپورٹس کمپلیکس اور اپنا لیاقت آباد انڈور کرکٹ ٹورنامنٹ کا افتتاح کیا، افتتاحی تقریب سے خطاب کرتے ہوئے انہوں نے کہا کہ ہمارا وژن کراچی کی تعمیر وترقی اور اس شہر کو آ گے بڑھانا ہے، جماعت اسلامی اپنی کوشش اور جدوجہد جاری رکھے گی،تعمیر و ترقی کا سفر جوں جوں آگے بڑھے گا، بلدیاتی سہولتوں کی فراہمی میں بہتری آئے گی،کراچی میں جماعت اسلامی کے 9 ٹاؤن چیئرمین محدود وسائل میں اختیارات سے بڑھ کر کام کررہے ہیں،جون کے وسط میں حلف اٹھانے والے ٹاؤن چیئرمین کو نومبر میں کچھ اختیارات منتقل ہوئے،نومبر تا جون 240 دنوں میں کراچی کے نو ٹاؤنز میں جماعت اسلامی نے 83 پارکس بحال کیئے، سب سے زیادہ 16 پارکس گلبرگ ٹاؤن جب کہ 14 پارکس گلشن اقبال ٹاؤن میں بحال ہوئے۔ یہ پارکس پہلے کچرا کنڈی کا منظر پیش کررہے تھے، 30 ہزار کے قریب اسٹریٹ لائٹس نصب یا درست کرکے اندھیروں میں ڈوبی ہزاروں گلیوں کو روشن کردیا، نیو کراچی ٹاؤن میں 10 ہزار گھروں میں پانی پہنچایا گیا،انہوں نے مطالبہ کیا کہ واٹر اینڈ سیوریج کارپوریشن اور سالڈ ویسٹ مینجمنٹ بورڈ کو ٹاؤن چیئرمین کے ماتحت کیا جائے تا کہ زیادہ بہتر انداز میں شہریوں کے مسائل حل ہوسکیں۔
