فرمان الہی
نماز کے اوقات
کراچی(اسٹاف رپورٹر)گرینڈ ڈیموکریٹک الائنس ( جی ڈی اے ) کے اطلات سیکریٹری سردار عبدالر حیم نے پیٹرولیم مصنوعات کی قیمتوں میں اضافے کو عوام دشمن اقدام قرار دیتے ہوئے مسترد کر دیا۔ انھوں نے کہاکہ حکومت نے پیٹرولیم مصنوعات کی قیمتیں بڑھا عوام کو مشکل حالات میں ریلیف دینے کی بجائے عوام کو مزید مہنگائی کی دلدل میں دھکیل دیا ہے ۔کرپٹ اتحادی حکومت اپنی شاہ خرچیاں اور عیاشیاں کم کرنے کی بجائے عوام پر مسلسل مہنگائی کا بم گرا رہی۔حکمرانوں کی جانب سے پیٹرولیم مصنوعات کی قیمتیں بڑھا کر عوام سے روٹی کا نوالہ چھینا جارہا ہے سردار عبدالرحیم نے مزید کہا کہ الیکشن سے پہلے موجودہ حکمرانوں نے عوام سے پیٹرول سستا کرنے کے وعدے اور باتیں جھوٹ نکلیں۔ کرپٹ اور نااہل حکومت کے نیب زدہ وزراء اپنی کرپشن کا بوجھ عوام پر ڈال رہیے ہیں۔جی ڈی اے کے سیکریٹری اطلاعات سردار عبدالرحیم نے مطالبہ کیا ہے کہ پیٹرولیم مصنوعات کی قیمتوں میں اضافہ فوری طور پر واپس لیا جائے۔
