• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیپال، فلسطین، صومالیہ اور لیبیا کے پاسپورٹ پاکستان سے اوپر

آج کا اخبار
اہم خبریں
25 جولائی ، 2024
اسلام آباد (آئی این پی )دنیا کے طاقتور ترین پاسپورٹ 2024 کی فہرست جاری کردی گئی جس کے مطابق نیپال ، فلسطین ، صومالیہ اور لیبیا کے پاسپورٹ پاکستان سے اوپر ہیں ، پاکستانی پاسپورٹ کا نمبر 100واں ہے جس کے بعد عراق ، شام اور افغانستان ہیں، عالمی درجہ بندی میں سنگاپور اس سال بھی سرفہرست ہے ۔عالمی خبر رساں ادارے کے مطابق ہینسلے کی فہرست میں سنگاپور کے پاسپورٹ کو دنیا کا طاقتور ترین پاسپورٹ قرار دیا گیا اس پاسپورٹ کے حامل دنیا کے 195ممالک تک بغیر ویزے کے پہنچ سکتے ہیں۔اسی طرح جاپان کے ساتھ فرانس، اٹلی، جرمنی اور اسپین دوسرے نمبر پر ہیں۔ ان ممالک کے پاسپورٹ کے حامل افراد 192ممالک میں بغیر ویزے کے سفر کریں گے۔دنیا کے طاقتور ترین پاسپورٹ میں تیسرے نمبر پر آسٹریا، فن لینڈ، آئرلینڈ، لکسمبرگ، نیدرلینڈز، جنوبی کوریا اور سویڈن مشترکہ طور پر براجمان ہیں۔ ان ممالک کے پاسپورٹ پر دنیا کے 191ممالک میں بغیر ویزے کے جا سکتے ہیں۔ چوتھے نمبر پر برطانیہ، نیوزی لینڈ، ناروے، بلجیم، ڈنمارک اور سوئٹزرلینڈ ہیں کے ساتھ برطانیہ چوتھے نمبر پر ہے۔
اہم خبریں سے مزید