• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم کی زیر صدارت یوم استحصال کی تیاریوں پر خصوصی اجلاس

آج کا اخبار
اہم خبریں
04 اگست ، 2024
کراچی (نیوز ڈیسک) وزیراعظم شہباز شریف کی زیرِ صدارت یوم استحصال کی تیاریوں پر خصوصی اجلاس ہوا ہے۔ 5 اگست کشمیریوں کے آزادی کے حق کی حمایت کے خصوصی دن کے طور پر منایا جائے گا، یوم استحصال پر جموں و کشمیر کے تنازع کو اجاگر کیا جائے گا۔ بنیادی حقوق کی خلاف ورزیوں، بھارتی وعدہ خلافیوں کو اجاگر کیا جائیگا۔ اجلاس میں پاکستانی اور کشمیری قیادت کی مشترکہ مرکزی تقریب کے انعقاد کی بھی منظوری دی گئی۔ وزیراعظم کا کشمیریوں کے ساتھ اظہار یکجہتی کیلئے مظفرآباد جانے کا امکان ہے، شہباز شریف 5 اگست 2019 کے یکطرفہ،غیر قانونی بھارتی اقدام کی بھرپور مذمت کرینگے۔ شہباز شریف یوم استحصال پر اہم پالیسی بیان بھی دینگے، 5اگست یوم استحصال پرخصوصی واک ہوگی۔ وفاق سمیت چاروں صوبوں، آزاد کشمیر، گلگت بلتستان میں خصوصی تقاریب ہونگی۔ وزیراعظم کی زیر صدارت اجلاس میں وفاقی وزراء، مشیروں اور اعلیٰ حکام نے شرکت کی۔
اہم خبریں سے مزید