فرمان الہی
نماز کے اوقات
اسلام آباد ( رانا غلام قادر ) وزیراعظم شہباز شریف نےپاورسیکٹر کی ڈھا نچہ جا تی ( Structral) اصلاحات پرعمل درآمدکےلیےٹاسک فورس تشکیل دینےکی منظوری دیدی ۔ حکومتی ذ رائع کے مطا بق ٹاسک فورس کےچیئرمین وفاقی وزیر برائے توانائی اویس لغاری ہوں گے، نومنتخب معاون خصوصی برائے توانائی محمد علی ٹاسک فورس کے شریک چیئرمین ، لیفٹننٹ جنرل محمد ظفر اقبال نیشنل کوآرڈینیٹر ہوں گے، گریڈ 21 کے افسر سید زکریا علی شاہ کمیٹی میں بطور رکن شامل کئے گئے ہیں ۔ ٹاسک فورس میں نیپرا،سی پی پی اے،پی پی آئی بی اور ایس ای سی پی کے ارکان شامل ہوں گے، ٹاسک فورس ایک مہینے کے اندر اپنی سفارشات وزیر اعظم کو پیش، آئی پی پیزکے کیپسٹی پیمنٹس میں کمی سے متعلق سفارشات دے گی۔ آئی پی پیز سےمتعلق دیگر امور پر بھی ٹاسک فورس کو سفارشات دینے کی ہدایت کی گئی ہے، ٹاسک فورس پاور سیکٹر کو مالی طور پر پائیدار بنانے کے لیے سفارشات دے گی۔
