کراچی (نیوز ڈیسک) بھارتی فوج نے مقبوضہ کشمیر میں ریاستی دہشت گردی جاری رکھتے ہوئے 4نوجوانوں کو شہید کر دیا،ڈوڈا میں مقابلے کے دوران انڈین فوج کا کیپٹن مارا گیا ، بھارتی فورسز نے جعلی مقابلے میں نوجوانوں کو نشانہ بنایا ۔ کشمیر میڈیا سروس کے مطابق کشمیر کے ضلع ڈوڈا کے جنگل میں بھارتی فوج نے سرچ آپریشن کی آڑ میں اندھا دھند فائرنگ کرکے 4 نوجوانوں کو شہید کیا اور لاشیں پولیس کے حوالے کردیں۔