• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رحیم یار خان، کچے کے ڈاکوؤں کا پولیس موبائلوں پر راکٹ حملہ، 13 پولیس اہلکار شہید

آج کا اخبار
اہم خبریں
23 اگست ، 2024
گھوٹکی(اقبال صدیقی /نامہ نگار)سندھ پنجاب کے سرحدی علاقے ماچھکہ میں ڈاکوؤں کا پولیس موبائل پر راکٹ لانچروں سے حملہ، پنجاب پولیس کے 13 اہلکار شہید ہوگئے۔ 7 اہلکار زخمی، کئی اہلکار لاپتہ، اسپتالوں میں ایمرجنسی نافذ، سندھ اور پنجاب پولیس کی بھاری نفری ماچھکہ طلب کرلی گئی۔ تفصیلات کے مطابق سندھ پنجاب کے سرحدی علاقے تھانہ ماچھکہ کی حدود فتح پور کے قریب ڈاکوؤں کے دو گروپوں نے پنجاب پولیس کی دو موبائلوں پر جدید ہتھیاروں اور راکٹ لانچروں سے حملہ کردیا۔ جس کے نتیجے میں پنجاب پولیس کے13اہلکار موقع پر ہی شہید ہو گئے۔ جبکہ 7پولیس اہلکار زخمی ہوئے ہیں، اس کے علاوہ کئی پولیس اہلکار لاپتہ ہوگئے ہیں۔ اس حوالے سے اکٹھی کی گئی معلومات کے مطابق پنجاب پولیس کے دو موبائلوں پر سوار اہلکار محمد عثمان، محمد عمران، زاہد، محمد راشد، وسیم سعید، نذر عباس، اجی رام، محمد اسماعیل، نبیل شہزاد سمیت 24اہلکار اپنی ڈیوٹی سے واپس آرہے تھے کہ فتح پور کے قریب ڈاکوؤں کے دو گروپوں نے پولیس موبائل پر جدید اسلحہ سے حملہ کر دیا جس کے نتیجے میں 14پولیس اہلکار شہید ہو گئے۔
اہم خبریں سے مزید