میئر کراچی دیواریں پھلانگنے کی بجائے اپنی ذمہ داری نبھائیں، ایم کیو ایم

کراچی(اسٹاف رپورٹر)ایم کیو ایم پاکستان کے حق پرست اراکین سندھ اسمبلی نے کہا ہے کہ میئر کراچی دیواریں پھلانگنے کے کرتب دکھانے کی بجائے پورے کراچی کے دورے کریں اور اپنی ذمہ داری نبھائیں۔ کراچی کا کوئی ایک ایسا علاقہ نہیں ہے جہاں بارش کا پانی جمع نہ ہو، لوگ دفاتر جانے کیلئے گندگی اور غلاظت سے گزرتے ہیں، سڑکوں پر پانی جمع ہونے کے باعث شہری گھنٹوں بارش میں بھیگ رہے ہیں، شہر کے مختلف علاقوں میں گٹر اُبل رہے ہیں سیوریج اور بارش کا پانی گھروں میں داخل ہو چکا ہے، واٹر اینڈ سیوریج کارپوریشن کہیں نظر نہیں آرہی اور نہ ہی بلدیاتی نمائندے دکھائی دیتے ہیں، مرتضیٰ وہاب آج کل کس جنت میں گھوم رہے ہیں جہاں سب اچھا ہے؟ لگتا ہے مرتضیٰ وہاب شاہراہ فیصل اور پی ای سی ایچ سوسائٹی کو پورا کراچی سمجھتے ہیں۔